نعت الفنانة وئام مجدي، جدتها «نوال»، التي رحلت عن عالمنا يوم الثلاثاء الماضي، إذ كانت تحظى بشعبية واسعة بين رواد السوشيال ميديا، وارتبط بها الجمهور من خلال الفيديوهات التي كانت تظهر فيها إلى جانب حفيدتها وئام، بأسلوبها العفوي وطيبتها التي لامست قلوب المتابعين.

وكتبت وئام مجدي عبر «إنستجرام»: «قد إيه أنا ممتنة لتيتا وأيامى معاها مبسوطة انى كنت دايما بحب أسمعها وهي موجودة، هي سبب إنى أبقى أحسن، مكنتيش جدة كنتى صاحبتى الألذ والأحلى والأقرب، كنتى سبب إنى أطلع من حتة ضلمة أوى وزعل لضحك وهزار وحب ناس محظوظة بيكي وبلذاذتك، وبحب الدنيا كلها ليكى أه أنا قلبى زعلان وأوى لكن إنتى مكنش ينفع تتعبى أكتر من كده إنتى متستهليش غير أن وشك ده يضحك».

وأضافت: «ده كان سبب الڤيديوهات أنا واحدة كان عندى اكتئاب من ظروف وإنتى عندك اكتئاب إنك عيانة وعيشنا سوا سنين حولنا ده لأيام ضحك وحلوة، وحب الناس اللى كان ملوش آخر، بس آخر كام شهر نفسى أنساهم من حياتى من العذاب اللى شوفتك فيه واستسلام إنى أتفرج عليكى وانتى بتمشى، ولا يا وئام الموضوع مسألة وقت هي مش هتبقى كويسة، شكرا على الأيام الحلوة الكتير أوى وعلى الضحك كنت بقول إمبارح وأنا جنبها».

وتابعت: «إنتى طول الوقت لآخر لحظة بتندهى وئام وئام لو فوق مقولتيش وئام وئام برضو علشان ربنا يبقى معايا بعدك هزعل أوى، إنتى الناس زعلت عليكى كأنك من عيلتهم أنا من يومها لحد دلوقتى جالى اكتر من 60 ألف ماسدچ، الناس بتعزينى فيكى وناس بتقولى لا تيته لا إنتى مش محبوبة عادي».

واستكملت: «ربنا يرحمك يا حلوة وانتى معايا وهفضل أشوفك وأنزل كل حاجة حلوة بينا، علشان أنتى مش هتبقي وقت وعدى في حياتى انتى مكملة معايا طول عمرى، بس بقولك إيه برضو مش هتجوز يا تيتا، وزى ما كنتى بتقوليلى إنتى حبيبتي، لا ده أنتى اللى حبيبتي وحبيبة عمري كله بحبك».