رد المطرب الشعبي حسن شاكوش على الساخرين من طريقة غنائه في الحفلات، معللا أنه يعاني من دور برد.

ونشر حسن شاكوش فيديو له من حفل زفاف نور التوت، وعلق عليه كاتبا عبر حسابه بموقع فيسبوك: "حبيت أوضح حاجه بس…
أنا مبحبش أطلع وأبين إني تعبان وأقول على التعب اللي في صوتي والأحبال الصوتية عندي عاملة كده ف صوتي ومخليني مش قادر أتكلم…
بس ده كان فرح أخويا الصغير نور التوت وكان لازم أجي على نفسي وأغني لكن مقدرتش زي ما انتو شايفين، عشان بس الفديوهات منتشره والناس بتتريق وده من حقكم طبعا… بس الواحد لما بيجيلو دور برد عادي مبيقدرش يتكلم أصلا، وده الفديو كمان عندي أهو".

وكان حسن شاكوش تعرض لانتقادات وسخرية بعد انتشار فيديو له وهو يغني مع محمود الليثي في حفل زفاف نور التوت.