أما بالنسبة لـالرائحة، فيوضح أن هناك فرقًا بين الرائحة الطبيعية للذبيحة، التي قد تكون قوية قليلًا في اللحوم الطازجة وخصوصًا الضاني، وبين الرائحة الكريهة الناتجة عن فساد "ريحة الزفر ممكن تكون موجودة، لكن ريحة العفن أو النشادر أو حاجة تشبه السمك القديم، دي إنذار خطر".

ويتابع: "الملمس كمان مهم جدًا. اللحمة لما تلمسيها لازم تكون متماسكة، ما تبقاش لزجة أو فيها مخاط. اللزوجة دي علامة إن البكتيريا بدأت تشتغل".

ويحذر د. عمرو من شراء اللحوم المفرومة من أماكن غير موثوقة: "اللحمة المفرومة ممكن يتخلط فيها أي حاجة، وبتفسد أسرع. لازم لونها يكون موحد، مش فيها بقع سودة أو لونها بني، وريحها تكون طبيعية".

وعن الدهون، يقول: "دهون اللحمة الجيدة لونها أبيض أو أبيض مصفر، لكن لو شفتها مائلة للرمادي أو فيها بقع خضراء، ابعد عنها فورًا".

ويشدد الطبيب البيطري عمرو عبدالعزيز على أهمية شراء اللحوم من أماكن موثوقة، ومراقبة التبريد والنظافة العامة في محل الجزارة: "العين ما بتكدبش، ولو في حاجة في اللحمة خلتك تترددي، امشي... لأن المعدة مش هتسامح".

يمكنك مشاركة الخبر علي صفحات التواصل