ودع ميشيل يانكون مدرب حراس مرمى الفريق الأول لكرة القدم بالنادي الأهلي، جماهير المارد الأحمر، وذلك عقب رحيله عن الجهاز الفني للفريق.

وكتب ميشيل يانكون، عبر حسابه الرسمي على موقع التواصل الاجتماعي «إنستجرام»: «6 سنين كانوا أكتر من مجرد شغل … كانت رحلة حب وانتماء ونجاحات مع نادي عمري ما هنساه».

وأضاف: «كل لحظة قضيتها في التتش، وكل مباراة، وكل دمعة فرح بعد بطولة… هتفضل محفورة في قلبي.. فخور إني كنت جزء من الفريق اللي قدر يحقق 19 بطولة مع الأهلي».

وأكد: «اشتغلت مع حراس عظام، أخواتي قبل ما يكونوا لعيبة.. فخور بكل لحظة قضيناها سوا.. لكن أكتر حاجة عمري ما هنسى حبها.. جمهور الأهلي».

وشدد: «أنتم القلب الحقيقي للنادي. أنتم الروح. أنتم اللي بتدوا المعنى لكل لحظة عشتها هنا.. وقعت في حب مصر والمصريين من أول لحظة… وهفضل شايل الحب ده في قلبي دايمًا، مصر أم الدنيا».

واختتم يانكون: «شكراً من قلبي لكل شخص دعمني وحبني… أنا واحد منكم وهفضل دايماً واحد منكم».