وتابعت زينة، خلال مداخلة هاتفية ببرنامج “الحكاية” الذي يقدمه الإعلامي عمرو أديب  أن أحد طفليها أُصيب بجرح  في يده أثناء محاولته الهرب بسبب مسمار، بينما الآخر تعرّض لخدوش من الكلب.

 وأوضحت أنه عند عودتها وجدت طفليها مختبئين في مكتب الأمن داخل الكمبوند، في حالة من الذعر والارتباك.

واستكملت زينة: "جريت على الملعب&Search=" target="_blank">مشرف الملعب، ووراني الطفل اللي كان معاه الكلب، وكان عنده حوالي 11 سنة، ولما طلبت أشوف والدته، فوجئت بسيدة تهاجمني بألفاظ خارجة، رغم إنّي كنت جاية أكلمها بمنتهى الأدب". 

وأضافت: "جوزها حاول يهديها، لكن هي استمرت في التجاوزات، وقالت إني جاية اتهجم عليهم في بيتهم".

وأكدت زينة أن وزارة الداخلية استجابت بسرعة بعد ما علمت بخطورة الواقعة، خاصة مع حوادث سابقة مشابهة، مشيرة إلى أن ضابط المباحث قرر اصطحاب الطفل والكلب وفتح محضر رسمي في القسم. وهناك، قابلت النائب محمد الجارحي، الذي قدّم اعتذاره لطفلها.

ولفتت: "الولد اعتذر لابني بعد ما طلبت تعهد بعدم خروجه مرة تانية مع الكلب، لكن والدته ظهرت فجأة وصرخت: 'اوع تعتذر يا آدم، حاولت أشرح لها إن اللي يغلط لازم يعتذر، لكنها اتهمتني إني مريضة نفسية"، بحسب رواية زينة.

رغم أن زينة كانت صاحبة البلاغ، أكدت: فوجئت بعمل محضر ضدي بتهمة الجري بسيارتي وراء الطفل. "ده مش حقيقي وكل ده علشان مش عايزة اتنازل عن المحضر فعلموا محضر ضدي من خلال النائب محمد الجارحي ورجالة من العائلة كانوا معاه، أنا كنت بجري على ولادي وأحميهم، وعايزة أشوف مين المسؤول"، معقبة وهي غاضبة: انا بقى عايزة مراجعة كاميرات المراقبة وعايزة حقي وحق ولادي".

وكشفت زينة أن حالة طفليها النفسية تدهورت، ورفضوا الذهاب إلى امتحانات آخر السنة. 

وقالت: "أنا عمري ما خرجت كلب مع ولادي، إزاي طفل يتهدد داخل ملعب، ومفيش حد يتحاسب؟..ازاي يتم إطلاق كلب متوحش على أولادي بدون حساب المسؤول؟".

واختتمت زينة حديثها برسالة قوية: "أنا مش هسكت، عايزة حقي بالقانون، زي ما اتعاملوا مع ابن محمد رمضان بالقانون، إحنا كمان لينا حقوق ولا ملناش حقوق في بلدنا؟".

يمكنك مشاركة الخبر علي صفحات التواصل