علق الفنان محمد رمضان على أزمة نجله علي لأول مرة بعد انتشار أخبار عن إدخاله دار رعاية اجتماعية بتهمة التعدي على طفل في النادي المشترك به، والتسبب في إصابته، وأكد محمد رمضان أن الواقعة مثبتة بالكاميرات وأن هؤلاء الأطفال بدأوا التنمر على نجله والإساءة لوالده، ونرصد حديث محمد رمضان فيما يأتي.

محمد رمضان يعلق لأول مرة على أزمة نجله علي

نشر محمد رمضان عبر حسابه الرسمي على موقع تبادل الصور والفيديوهات انستجرام لأول مرة تعليقًا على أزمة نجله وقرار المحكمة كما أشار إلى كل من نشر قرار المحكمة بصورة نجله، وكتب محمد رمضان: “القانون ده من ۲۰۱۸ يا سادة بضرورة حماية الطفل و العيلة بحجب هوية الطفل و اسمه و صورته عن الإعلام والصحافة حتى لو كان مجرد شاهد في قضية ولكن لأن الطفل ده أبوه محمد رمضان، يبقى حلال و بالأمر يصدروا بيان صحفي لكل الصحف والمواقع العامة والخاصة والحكومية انشر صورة ابن محمد رمضان واكتب انه هيتاخد من أمه وأبوه وهيروح دار الرعاية مع إن القانون بيمنع النشر ولكنهم نشروا”.

وتابع مؤكدًا استرداد حق نجله بالقانون، قائلا: “من حقي كأب اعرف مين خالف القانون و اصدر البيان الصحفي اللي مفيش مؤسسة واحدة قدرت ترفض نشره ورغم كل شيء لا أشك أبدأ في نزاهة القضاء المصري”.

محمد رمضان يكشف تفاصيل جديدة في واقعة نجله: قالوله أبوك فلوسه حرام

واستكمل محمد رمضان حديثه كاشفًا حقيقة الأمر وتفاصيل جديدة، وعن السبب الحقيقي الذي دفع نجله للتعدي على زميله، ووفقًا لما يرصده موقع تحيا مصر قال: “ابني اللي كان واضح في الفيديو اللي النيابة شافته إنه كان قاعد في حاله مع أخته الصغيرة في النادي وراحوله مجموعة أطفال يقولوله انت اسود زي أبوك و أبوك عنده فيلا كبيرة وعربيات علشان فلوسه حرام انما احنا عايشين في شقق نيو جيزة علشان أهالينا مش حرامية، ولما ابني كلمني في التليفون سمعت الكلام ده بنفسي و واضح ان ده كلام اهل طفل منهم لأن مستحيل طفل يفكر كدة وده في حد ذاته بيزرع الحقد والغل الطبقي بين الأطفال”.

وأضاف: “رحت لأبني النادي واتكلمت مع الأطفال قدام فرد الأمن و مدرب السباحة إنكم اخوات و جيران وده واضح في فيديوهات النادي اللي شافتها النيابة عموماً دي حلقة من سلسلة طويلة من الاضطهاد الواضح و القسوة والتعنت و بكتب النهاردة بس علشان ماتخيلتش انهم يدخلو اتجاهي لأكثر من ١١ سنة في معركتهم مع أبوه ما توقعتش قسوة الحكم والتشهير طفل عنده 11 سنة بيا وبعيلتي للدرجة دي .. وللعلم الشارع المصري فاهم اللي بيحصل و شايفه بوضوح الشمس”.

بعد الحكم على نجله.. محمد رمضان: هفضل بحب بلدي مهما حصل 

واختتم محمد رمضان حديثه مؤكدًا أنه رغم قسوة الحكم إلا أنه يحب بلده ويثق في نزاهة القانون واسترداد حقه وحق طفله، وقال: “لكن (مهما حاولوا ومهما ظلموا سواء بالقصد أو بالجهل هنفضل أنا و أولادي وعيلتي نحب بلدنا وهنعيش ونموت فيها ولا عاش ولا كان اللي يكرهني فمصر  نحيا كمصريين أولاً بحبنا لبعض بدون غيرة أو حقد أو استكتار علشان تحيا مصر”.